Туркия парламенти 30 март куни кечқурун Финландияни НАТО аъзолигига қабул қилиш тўғрисидаги протоколни маъқуллади. Депутатлардан бирортаси ҳам бу ҳужжатга қарши овоз бермади.
Туркия Финландиянинг НАТОга аъзо бўлишини қўллаган сўнгги ўттизинчи давлат бўлди. Бундан аввалроқ Венгрия парламенти ҳам Финландиянинг ташкилотга қўшилишини қўллаган. Белгиланган тартибга кўра, НАТОга аъзо барча давлатлар ташкилотга қўшилмоқчи бўлган бошқа мамлакатлар юзасидан ўз фикрни билдириши шарт.
Финландия июль ойида Литвада ўтадиган саммит доирасида НАТО аъзолигига қабул қилиниши кутилмоқда. Аммо НАТОга аъзо бўлиш истагини билдирган Швециянинг тақдири ҳалигача номаълум бўлиб қолмоқда. Венгрия ва Туркия Швециянинг НАТОга аъзо бўлиши учун ҳозирча розилик берган эмас. Туркия Швеция Анқара террорчи деб ҳисоблайдиган курд фаолларини экстрадиция қилмаётганига норозилик билдирган.
Финляндия ва Швеция нейтрал мамлакат мақомида эди. Бироқ Россия Украинага бостириб киргани ортидан бу икки давлат НАТОга аъзо бўлиш учун ариза берган.
